|
| |
As Hoofstuk 8
van Visies
van Vryheid :
Volksbelydens en Voorneme
- Ons,
die Boerevolk, erken met dank dat ons ontstaan deel is van die genadige
wilsbeskikking van die Drie-enige God en bid dat ons voortbestaan deel van
God se raadsplan sal wees.
- Ons glo dat God slegs
die beste vir Sy gelowig-gehoorsame kinders wil hê en ons loof God vir Sy
onmiskenbare bemoeienis met ons volk in die jare van ons wasdom.
- Ons eer die
nagedagtenis van hulle wat ons voorgegaan het en ook hul nalatenskap.
- Ons prys God dat Hy ons
volk gehelp het om uit die as van die Tweede Vryheidsoorlog, soos uit elke
ander beproewing, op te staan en dat Hy ons in ons swakheid toegelaat het om
hierdie mooi land van ons geboorte te kon tem en om vir lang tye onsself te
kon regeer.
- Ons bely dat die hand
van die Here tans swaar op ons rus: Dat ons eie afdwaling van God se
insettinge en ons versuim om Sy koninkryk eerste te stel, die rede is vir
die slawejuk van vreemdes waaronder ons tans gebuk moet gaan.
- Ons verbind onsself in
vaste geloof onlosmaaklik aan God en streef na daardie eervolle en vrye
bestaan wat van Sy sëen sal getuig soos Hy vir Sy opregte kinders wil.
- Ons onderneem om in ons
persoonlike en volkslewe opreg na God se wil vir ons en ons volk te soek en
ons lewe daarvolgens en tot Sy eer in te rig ten einde ’n volk vir Hom te
wees en bevestig opnuut ons trou aan die Gelofte van Bloedrivier.
- Ons bid in ootmoed en
met smeking en danksegging dat God ons stap vir stap sal lei na ’n
volksbestemming, roepingsgetrou aan Hom maar teen die wêreld vry.
- Ons belowe dat ons in
ons strewe na vryheid en by die oorweging van elke stap of doelwit ter
verkryging en vervulling daarvan God se eer en Sy koninkryk voorop sal stel.
- Ons onderskei onsself
bewustelik van daardie deel van die breë Afrikanerdom wat bereid is om hul
volkwees te verloën en terselfdertyd geen gewetenswroeging het om ’n nuwe
nasie saam met vreemdes in die NSA te bou nie.
- Die Bybel leer ons dat
alle owerheidsgesag ’n beskikking van God is en deur Christene gehoorsaam
moet word. Eweneens, dat God daardie mag goedskiks wegneem van elkeen wat
dit misbruik en Hom daarmee nie eer nie.
- Ons roep hiermee
volksgenote op tot verootmoediging en toewyding aan die Drie-enige God en om
in te bind in die gesamentlike strewe en arbeid op die pad na volksvryheid
soos God dit op Sy tyd mag beskik.
- Ons stel dit aan die wêreld
en elke wêreldse owerheid dat as dit God behaag, die Boerevolk weer vry sal
wees, dat ons oor niemand anders wil regeer nie en dat ons onvermoeid vir
selfverwesenliking en soewereine onafhanklikheid sal werk in ’n eie vrye
republiek.
Bron:
Volksekretariaat vir die Federale Boerevolk Raad
"Wat saak maak, is nie die
idee wat iemand beet het nie,
maar hoe diep hy daaraan vashou."
~Ezra
Pound~
|
